I haust er Kjersti Annesdatter Skomsvold gjestelærar på kurs i lengre prosa hos oss og torsdag 13. november kl. 19:00 treff ho forfattar og skrivelærar Tormod Haugland til samtale om sin siste roman, Hun er levende. Elises bok.

I romanen byrjar Skomsvold å dikte fram si eiga oldemor, som vart fødd i 1880. Hun er levende. Elises bok er den første boka i ein planlagt kvartett om forfattaren sine formødrer. 

Skomsvold debuterte i 2009 med romanen Jo fortere jeg går, jo mindre er jeg, som ho fekk Tarjei Vesaas Debutantpris for. Boka vart òg nominert til Bokhandlerprisen, P2-lytternes romanpris og kortlista til Dublin Literary Award 2013.

Seinare har ho gjeve ut både diktsamlingar, barnebøker og fleire romanar, og er ein av våre mest kritikerroste forfattarar. I 2015 vart Skomsvold tildelt Doblougprisen for heile forfattarskapen sin.

Temakveldane er arrangement der akademiet gjev det allmenne publikum høve til å møte gjestelærarane våre i ei intim ramme, og der det òg vil bli mogleg for publikum å stille spørsmål til og samtale med forfattaren.

Tid: torsdag 13. november kl. 19:00
Stad: Skrivekunstakademiet sine lokale på Georgernes Verft 12, Inngang E.

Sal av øl og vin. Gratis inngang. Ope for alle.

Skrivekunstakademiet er 40 år i år og dette må feirast! Vi har laga jubileumsantologi og 28. oktober fyller vi Sardinen med gode folk og held fest. Det vert antologislepp, opplesingar, helsingar og andre innslag. Vi kjem med meir informasjon etter kvart, men enn så lenge bed vi dykk halde av kvelden så de kan feire med oss!

Vi er glade for å ha Kristin Vego tilbake som gjestelærar på akademiet i haust, og i det høvet inviterer vi til temakveld med henne. Vego vil halda føredraget «Jeg skrev det ned før jeg reiste meg og gikk»:

Kva er eg-forteljaren i ein roman? 
Kristin Vego fortel om si siste utgjeving, «Sent på dagen» (2024), og om skrivande og snakkande eg-forteljarar i romansjangeren. 

Kristin Vego (f. 1991) er ein dansk-norsk forfattar frå Aarhus, busett i Oslo. Ho debuterte i 2021 med novellesamlinga Se en siste gang på alt vakkert. For den mottok ho både Tarjei Vesaas» debutantpris og den prestisjetunge Bogforums debutantpris i Danmark. 

I 2024 kom ho med romanen Sent på dagen, som hausta gode kritikkar og som vart trekt fram som ei av årets ti beste bøker i Aftenposten.

Vego har òg tidlegare vore redaktør i tidsskriftet Vagant og kritikar i Dagbladet Information.

Temakveldane er arrangement der akademiet gjev det allmenne publikum høve til å møte gjestelærarane våre i ei intim ramme, og der det òg vil bli mogleg for publikum å stille spørsmål til og samtale med forfattaren. 

Temakvelden finn stad i Skrivekunstakademiet sine lokale på Georgernes Verft 12. Inngang E.

Torsdag 2. oktober kl. 19:00
Sal av øl og vin. Gratis inngang. Ope for alle.

Casper André Lugg er gjestelærar på haustens første kurs, poesikurs med Morten Langeland. I det høvet inviterer vi til temakveld på akademiet! Lugg og Langeland snakkar om ulike sider ved gjendiktning av poesi: som utviding av eigen praksis, som litteraturformidling og som språkleg fordjuping. Dei vil òg snakke om, og lese frå, nokre av dei beste poesigjendiktningane frå dei to siste åra.

Casper André Lugg debuterte med diktsamlinga Lite rekviem (2011), og i 2015 kom Dagene er som gress. For desse fekk han Bokhandelens forfatterstipend. Sidan har han gjeve ut dei kritikerroste samlingane Nymånedagene (2016), Det store svaet (2017), Tilgi det virkeliges blomstring (2018), mariabiotopene (2020), sted for løpende hjerte (2021) og de minste bærer vann (2022). 

No i haust kom tilhørighetstersklene og Det er lytt mellom diktet og verden: dikt i utvalg ved Katrine Heiberg. Casper André Lugg arbeider òg med gjendikting og kom i fjor med ei gjendikting av Jorie Graham si Til 2040 saman med Monica Aasprong. Tidlegare har dei bl.a. gjendikta Ann Jäderlund saman. 

Temakveldane er arrangement der akademiet gjev det allmenne publikum høve til å møte gjestelærarane våre i ei intim ramme, og der det òg vil bli mogleg for publikum å stille spørsmål til og samtale med forfattaren.

Temakvelden finn stad i Skrivekunstakademiet sine lokale på Georgernes Verft 12. Inngang E.

Torsdag 11.09.25, kl. 19:00!

Sal av øl og vin.
Gratis inngang.
Ope for alle.

Vel møtt!

Opptaket til Skrivekunstakademiet 25/26 er no ferdig!

Årets studentar til årsstudium i skapande skriving er:

Johanna Arderup
Marius Bjørkli
Jakob Bjørnøy
Thomas Brender
Erle Maloney Ehnebom
Juliet Fevang
Trygve Steinbakke Gilje
Alva Pauline Gjerde
Håp Haugen-Viken
Amanda Torsteinsdatter Hersvik
Ditte Stokholm Kær
Alexander Wintoft

Årets deltakarar til påbyggingskurs i skapande skriving er:

Lina Breidablik
Signe Zacher Carlsen
Abdirahman Hassan
Irina Haugane
Ingvill Maria Daatland Hekne
Karin Holmlund

Vi gler oss til eit nytt år med nye studentar og kursdeltakarar!