Sommarkurset går over fire dagar og passar for deg som ynskjer å kome i gang med skriving for alvor, eller få eit kick til å kome vidare. Ikkje minst: møte andre som òg interesserer seg for skriving og har eit ønske om å utvikle seg litterært. Kurset vert halde i Skrivekunstakademiet sine lokale på Verftet. Kurset vil i 2024 vere frå 24.-27. juni og kostar 4500 kroner.
Kursleiarane for 2024 er Therese Tungen og Brynjulf Jung Tjønn.
Therese Tungen (fødd i 1977) kjem frå Kvam i Gudbrandsdalen og bur i Oslo. Ho debuterte i 2017 med novellesamlinga Ein gong var dei ulvar. Boka fekk strålende mottaking, og vart nominert til Ungdommens kritikerpris. Tungen vart tildelt Aschehougs debutantstipend for 2017, og i 2018 fekk ho Bjørnsonstipendet. I 2019 kom den andre novellesamlinga hennar, Kjærleik og det som liknar. Den fekk glimrande kritikk og vart nominert til EUs litteraturpris 2020. Våren 2022 kom boka Snu deg: Edvins bok, som er ei dokumentarisk utforsking av sorgprosessen etter tapet ein son. Boka vart særs godt mottatt av både kritikarar og lesarar.
Brynjulf Jung Tjønn vart fødd 1980 i Seoul i Sør-Korea. I 1983 vart han adoptert til Feios i Sogn og Fjordane, kor han vaks opp som odelsgut. Han debuterte som forfattar i 2002 med romanen Eg kom for å elske, og har sidan gjeve ut fleire bøker, for både barn, ungdom og vaksne. I 2013 kom ungdomsromanen Så vakker du er (Cappelen Damm), som vart tildelt Brageprisen for beste barne- og ungdomsbok i 2013. Tjønn har òg vore nominert til blant anna Kulturdepartementets litteraturpris, Kritikerprisen og P2-lytternes romanpris for bøkene sine. I 2022 kom diktsamlinga Kvit, norsk mann, som traff både kritikarar og eit breitt publikum. For denne utgjevinga vann han både Kritikerprisen og Ungdommens kritikerpris.
KORLEIS SØKJE
Du søkjer med fem til sju sider sjølvskriven tekst av skjønnlitterær karakter, og det er desse sidene det i hovudsak vil bli arbeidd med på kurset. Det er derfor viktig at deltakarane er førebudde på at alle les kvarandre sine tekstar, og at ein har lese tekstane før kursstart. Vi tek inn inntil 12 søkjarar.
Du søkjer digitalt her innan søknadsfrist 20. mai kl. 23:59. Vi vil gi svar innan 24. mai.
Tidlegare kursleiarar har vore:
Julie Stokkendal & Pedro Carmona-Alvarez (2023)
Maria Navarro Skaranger & Pedro Carmona-Alvarez (2022)
Sumaya Jirde Ali & Gunnar Wærness (2021)
Anna Kleiva & Lars Svisdal (2020)
Eli Fossdal Vaage & Erlend Nødtvedt (2019)
Hildegunn Dale & Henning Bergsvåg (2018)
Pedro Carmona-Alvarez og Tiril Broch Aakre (2017)
Kristina Leganger Iversen og Anne Helene Guddal (2016)
Brit Bildøen og Ruth Lillegraven (2015)
Cecilie Løveid og Rolf Enger (2014)
Rolf Enger og Mirjam Kristensen (2013)
Rolf Enger og Mirjam Kristensen (2012)
Pedro Carmona-Alvarez og Inger Bråtveit (2011)
Ruth Lillegraven og Brit Bildøen (2010)