Eli Fossdal Vaage og Aina Villanger held årets sommarkurs på Skrivekunstakademiet! Kurset går over fire dagar frå 16.- 19. juni, og frist for å søkje er 18. mai kl. 23:59. Les meir og søk her!

Påbygginskurs i skapande skriving er eit samlingsbasert kurs som er meint for den som arbeider med eit påbyrja litterært manuskript og vil fordjupe seg ytterlegare i prosjektet sitt. No er søknadsskjema for 2025/2026 lagt ut og fristen for å søkja er 02. mai kl. 23:59. Les meir og søk her.

Denne veka er Thure Erik Lund gjestelærar på kurs i lengre prosa hos oss, og i kveld treff han forfattar og skrivelærar Tormod Haugland til ein samtale om romanen. Kvifor skrive roman? 

Thure Erik Lund (fødd i 1959) debuterte i 1992 med «Tanger», som han fekk Tarjei Vesaas» debutantpris for. Sidan har han gjeve ut 18 romanar og essaysamlingar og har vunne Sultprisen, Kritikerprisen, Doblougprisen og Aschehougprisen. Lunds siste bok er «Vertebrae» som kom i 2023 og som kan lesast som ein frittståande oppfølgjar til romanen «Identitet» frå 2017. 

Temakveldane er arrangement der akademiet gjev det allmenne publikum høve til å møte gjestelærarane våre i ei intim ramme, og der det òg vil bli mogleg for publikum å stille spørsmål til og samtale med forfattaren. 

Temakvelden finn stad i Skrivekunstakademiet sine lokale på Georgernes Verft 12. Inngang E

Ope for alle.
Gratis inngang.
Sal av øl og vin.

Skriv du? No kan du søkje Årsstudium i skapande skriving for 2025/2026. Årsstudium i skapande skriving er eit velrenommert studie for dei som ynskjer å bli forfattarar eller dei som av andre grunnar ynskjer å fordjupe seg i skriving og tekstlesing. Les meir om studiet her, og send inn søknaden din her! Søknadsfristen er 1. april kl. 23:59.

Dette intensive helgekurset er eit tilbod for deg som saknar grundig lesing av dei skjønnlitterære tekstane dine, og som vil erfare korleis tekstgjennomgang kan føregå på akademiet, saman med ein lærar og elleve andre deltakarar.

Det neste responskurset med forfattar og skrivelærar ved Skrivekunstakademiet, Tormod Haugland vert halde 22. og 23. mars, med søknadsfrist 14. februar kl. 23:59. Søknadsskjemaet finn du her.

Fleire av deltakarane som har vore med på responskurset, har seinare komme inn på Skrivekunstakademiet sitt årsstudium i skapande skriving, og på andre skriveskular. Du søkjer med 5-7 sider i valfri sjanger. Det kan vere ein eller fleire tekstar, avslutta eller utdrag frå noko større. Kurset har 12 plassar.

Søknadstekstane til dei som får plass vert så sendt ut til kvar kursdeltakar for gjennomlesing i forkant av kurset. Under dei to dagane kurset varer, vert kvar deltakar sin tekst/tekstar gjennomgått i plenum. Alle tek del i tekstsamtalen.

Kurset kostar 2500 kr, og finn stad i Skrivekunstakademiet sine lokale på Georgernes Verft i Bergen.