Skrivekunstakademiet i Hordaland driv undervisning innan skjønnlitterær skriving. Vi har opptak ein gong i året, og søknadsfristen er primo april. For meir informasjon, sjå Korleis søkje.
Nytt responskurs
3. og 4. mars held me nytt responskurs! Dette intensive helgekurset er eit tilbod for deg som saknar grundig lesing av tekstane dine, og som vil vite korleis tekstgjennomgang kan føregå på akademiet. Fleire tidlegare responskursdeltakarar har seinare kome inn på årsstudiumet vårt. Kursleiar er forfattar og skrivelærar gjennom ei årrekke, Tormod Haugland. Meir om kurset og korleis du søkjer innan 17. februar, finn du her.
Temakveld med Ragnar Hovland
Forutan å ha arbeidd som lærar ved Skrivekunstakademiet (solbrillene i sentrum av biletet), kan Ragnar Hovland skilte med eit stort og populært forfattarskap. I haust kom essaysamlinga Kunsten å komme heim og andre essays og romanen Stille natt ut, til ovasjonar frå meldarane. Kom og høyr og sjå Hovland fredag 20. januar kl. 19:00! Ope for alle og gratis inngang.
Rimbereid nominert til Nordisk Råds Litteraturpris
Me gratulerer undervisningsleiar Øyvind Rimbereid for nominasjonen til Nordisk Råds Litteraturpris 2012! Dette er andre gong Øyvind er nominert til den gjeve prisen, og akademiet heiar på Jimmen. Eit utklypp frå komiteens grunngjeving:
Bergens-energien
Me gratulerer Tomas Espedal med Bragepris og siterer takketalen:
Og så vil eg virkelig takke Bergen og Bergens-miljøet i Bergen, det må dere vite at det er en fantastisk vanskelig by å bo i, et forferdelig høl av et sted, men men men der finnes en enorm energi i at det fins et skrivekunstakademi, universitetet og et par tidsskrifter som er ganske gode og et enormt trykk i byen, så de av dere som har lyst til å bli forfattere; kom til Bergen.
Me kan ikkje seie oss meir einige og minner om fristen for å søkje påbyggingskurs i skapande skriving: 1. desember!
Temakveld med Marit Eikemo
Marit Eikemo kom i haust ut med Samtale ventar, ein ifølgje forlaget drivande god roman om å falle utanfor. Tysdag 29. november kl 19:00 kjem Eikemo til Skrivekunstakademiet for å halde innlegg om denne boka og om forfattarskapen sin generelt. Gratis inngang og ope for publikum. Velkomen!