verftetSkrivekunstakademiet i Hordaland driv undervisning innan skjønnlitterær skriving. Vi har opptak ein gong i året, og søknadsfristen er primo april. For meir informasjon, sjå Korleis søkje.

Temakveld: Mette Moestrup om Eileen Myles

21_billede-2Velkomen til årets andre temakveld på Skrivekunstakademiet torsdag 22.02, denne gongen med Mette Moestrup som gjest! I 2017 kom Eileen Myles si diktsamling Not Me ut på dansk, i Mette Moestrup si omsetjing. Ikke mig fekk strålande mottaking i dansk presse, og som forlaget OVO press seier om Moestrups arbeid: «hun har simpelthen genskabt Myles tone på dansk, wow!» Not Me kom ut i USA i 1991, og var Myles sitt gjennombrot som forfattar. Her finst ei gjennomgripande og radikal interesse for kjønn, homoseksualitet, samfunn, kjærleik, identitet, politikk, og ho proklamerer: «vi er alle Kennedy’er. Og jeg er jeres president».  Les meir »

Søk Årsstudium i skapande skriving

_NI17811Drøymer du om å bli forfattar, og ønskjer å bruke eit år saman med likesinna til å utvikle skrivinga di? No kan du søke om plass på Årsstudium i skapande skriving. Skrivekunstakademiet i Hordaland har drive opplæring i skjønnlitterær skriving i over 30 år, og alle våre skrivelærarar er særs røynde forfattarar med mange års erfaring. Studiet er godkjent av Lånekassen og gir 30 studiepoeng. Søknadsfristen er 1.april 2018. Meir om studiet og korleis du søkjer, finn du her.

Temakveld med Lotta Elstad: «Jeg nekter å tenke»

1Lotta ElstadFredag 2.februar klokka 20 blir det temakveld med Lotta Elstad på Skrivekunstakademiet. I haust kom Elstad med sin tredje roman, «Jeg nekter å tenke». Etter ei reise vender bokas hovudperson heim til Oslo, der ho oppdagar at ho er gravid, ein tilstand ho trur det skal vera enkelt å få endra på. Det viser seg å vera langt vanskelegare enn ho hadde førestelt seg. Ifølgje Flamme forlag er romanen ein svart, feministisk samtidskomedie om politikk, kjærleik, og ein avgrunn som er farleg nær. Temakvelden tar for seg denne seinaste romanen til Elstad, så vel som romanskriving, feminisme, politikk og det å gå frå å skrive journalistisk til å skrive skjønnlitterært. Lotta Elstad (f.1982) romandebuterte i 2012 med «Ettromsleiligheten», og følgde opp med roman nummer to, «Et eget rom», i 2014. Ho er òg journalist og sakprosaforfattar. Elstad er gjestelærar på romankurset ved Skrivekunstakademiet, og temakvelden representerer avslutninga på kurset. Arrangementet er som vanleg gratis og ope for alle. Det blir bar med sal av øl og vin, og gratis kaffi. Betaling kontant eller via Vipps. Velkomen til årets første temakveld i lokala våre på USF Verftet!

Responskurs med Tormod Haugland våren 2018

Haugland-TormodHelga 17. og 18.mars 2018 arrangerer Skrivekunstakademiet responskurs med Tormod Haugland. Tormod er ein av Skrivekunstakademiets mest erfarne skrivelærarar, og har sidan han debuterte med romanen Under i 1994 gitt ut fleire kritikarroste romanar, noveller, dikt og dramatikk. I 2017 kom den seinaste romanen i rekkja, Om dyr og syn, som har hausta strålande kritikkar og blant anna er nominert til P2-lyttarane sin romanpris. Tormod har ansvar for romankurset på Skrivekunstakademiets årsstudium, og i responskurset brukar han same undervisingsmodell som ein gjer på akademiet.

Mari Johanne Nilsen er tidlegare elev ved Skrivekunstakademiet, og har gått både på Årsstudium- og påbyggingskurs i skapande skriving. Ho er ein av svært mange som hadde sitt første møte med Skrivekunstakademiet på responskurs:

- Eg hadde nok aldri komme inn på Årsstudiet dersom eg ikkje hadde gått på responskurset først. Kurset gav meg ei heilt anna tekstforståing enn det eg hadde frå før. Eg trur det gjorde meg til ein betre lesar, rett og slett. Les meir »

Temakveld: Novella losnar på snippen

tungen_eecb6e59-a526-49e9-9180-9615ddcf502d_2048x2048sek_person_scid_10781Korleis står det til med novellesjangeren i Noreg godt inne på 2000-talet? Kvar har sjangeren utvikla seg, og er moglegheitene fleire enn mange trur når det gjeld å skrive kortare prosa? Nokre svar kan ein håpe å få i møte med to aktuelle norske novelleforfattarar, Therese Tungen og Kristian Hæggernes. Tungen debuterte i år med novellesamlinga Ein gong var dei ulvar, medan bergensforfattar Hæggernes gav ut si første samling noveller/forteljingar då han i år kom med Ida og Oda og andre fortellinger. Dei presenterer bøkene sine og samtalar med skrivelærar Rolf Enger om novelleskriving, og det er høve for publikum til å delta i samtalen. Arrangementet markerer slutten på årets novellekurs ved Skrivekunstakademiet, og er som vanleg gratis og ope for alle. Vel møtt! Tid: Fredag 17.november. Stad: Amalies hage, Bergen offentlige bibliotek.