Sommarkurset er eit skrivekurs over fire dagar for deg som ynskjer å kome i gang med skriving på alvor eller få eit kick til å kome vidare. Og ikkje minst; møte andre som interesserer seg for skriving.

Kurset blir halde i Skrivekunstakademiets lokale på Verftet 24.-27. juni 2013, med kurshaldarar Rolf Enger og Miriam Kristensen. Søknadsfrist 3. juni. Kursavgift: 3000,-

Du søker med fem til sju sider sjølvskriven tekst av skjønnlitterær karakter. Søknaden sender du til Georgernes Verft 12, 5011 BERGEN eller på e-post til post@skrivekunst.no (send dokumenta då som pdf). Legg ved kontaktinformasjon om deg sjølv: e-postadresse, telefonnummer og postadresse. Vi tek opp inntil 12 søkarar.

Mirjam Kristensen er forfattar. Ho vann Vesaas’ debutantpris for den fyrste romanen sin, Dagene er gjennomsiktige (2000), og har hausta gode kritikkar for sine andre bøker, sist ut Et rikt liv (2009). Ho er medlem av Det litterære råd og har erfaring som skrivelærar.

Rolf Enger er forfattar og undervisningsleiar på Skrivekunstakademiet. Siste bok: 1949 e.Kr (2005). Han har lang erfaring som skrivelærar, og har også virka som tidsskriftredaktør og bokmeldar i Bergens Tidende.