Olaug Nilssen, akademileiar

Fødd 1977. Forfattar. Utdanna ved Skrivekunstakademiet i Hordaland og UiB. Debuterte i 1998 med romanen Innestengt i udyr. Andre utgjevingar: Vi har så korte armar, roman (2002), Hybrideleg sjølvgransking, essays (2005), Få meg på for faen, roman (2005). Sistnemnde bok er også dramatisert for scena og sett opp på Det Norske Teateret. Nilssen har vore aktiv som skribent og bokmeldar for fleire aviser og tidsskrift. Medredaktør for litteraturtidsskriftet Kraftsentrum.

Tormod Haugland, skrivelærar

Fødd 1962. Forfattar. Utdanna ved Skrivekunstakadmiet i Hordaland og cand.art. med hovudfag i grafisk illustrasjon ved Statens Høgskole for Kunsthåndverk og Design, Bergen. Debuterte med romanen Under i 1994. Andre utgjevingar: Varmare, roman (1995), Heller, roman (1997), På øya, dikt (1998), Orden, noveller (1999), Verd, roman (2000), To stykke, dramatikk (2002), Inkarnasjon, roman (2004), I den sjette verda, roman (2005), No Mar, roman (2006), Orm, ugla og and. Prosa obskura, essays (2008). Haugland har publisert noveller, essays og artiklar i ei rekkje tidsskrift og antologiar. Akademileiar ved Skrivekunstakademiet 1998-2008

Øyvind Rimbereid, undervisningsleiar

Fødd 1966. Forfattar og cand.philol. med hovudfag i nordisk språk og litteratur ved UiB. Debuterte med novellesamlinga Det har begynt i 1993. Andre skjønnlitterære utgjevingar: Som solen vokser, roman (1996), Kommende år, noveller (1998), Seine topografiar, dikt (2000), Trådreiser, dikt (2001), Solaris korrigert, dikt (2004), Hvorfor ensomt leve, essays (2006), Herbarium, dikt (2008). Prisar: Sultprisen 2001, Den norske Lyrikklubbens pris 2002, Årets dikt NRK P2 2004, Kritikerprisen 2004, Brageprisen 2008.

Gunnhild Øyehaug, skrivelærar (permisjon)

Fødd 1975. Forfattar og cand.philol. med hovudfag i allmenn litteraturvitskap ved UiB. Debuterte i 1998 med diktsamlinga Slaven av blåbæret. Andre utgjevingar: Knutar, noveller (2004), Stol og ekstase, essays og noveller (2006), Vente, blinke, roman (2008). Har elles publisert ei rekkje skjønn- og faglitterære tekstar i ulike tidsskrift og antologiar. Øyehaug var medredaktør i tidsskriftet Kraftsentrum. Har røynsler frå arbeid som spaltist og litteraturkritikar i Morgenbladet og Klassekampen, medredaktør i Vagant, samt arbeidd som forlagskonsulent. Ho har vore knytt til ulike undervisnings- og læringsprosjekt, og vore knytt til allmenn litt.vit, UiB, som kollokvieleiar og sensor.

Kjersti Rorgemoen, kontorfullmektig

Fødd 1982. Master i nordisk litteratur ved UiB og tidlegare student ved Skrivekunstakademiet. Frilansskribent og medredaktør i fanzina Ikke til hjemlån, 2006-2008, og for bokutgjevinga med same namn.